Lapan kandang endur di Miri agi ampuh bah

Flooded road. — DayakDaily.com file pic. //Photo: Pixabay

KUCHING, Dis 31: Nitihka ripot ari Sekretariat Komiti Mutarka Penusah Ngenyit Negeri, naka pukul 8 pagi tu tadi, enam kandang menua di Subis enggau dua di Beluru mengkang ampuh bah.

Tukang Pengerembai berita komiti nya Ismail Mahedin madah, tu mandangka gaya penusah nya bisi belinsur manah taja pan dipelabaka bisi ujan ba siti dua endur pagi tu.

“Muak ke lemai, kabut dipelaba bisi nyadi ba siti dua endur lalu baka nya mega ujan muak ke malam.

Ku Ismail baru, Mets Malaysia mega bisi ngeluarka jaku tangkan ke alai kabut bisi nyadi ba kandang ai Bunguran, Reef South enggau Sarawak nyentuk jauh malam tu.

“Nya tau ngujung angin deras manggai ba 50 kmsj lalu tasik begelumbang manggai ba peninggi 3.5 meter, ti tau meri penusah ngagai bot mit.


Berebak enggau nya, stesen telemetri Opis Parit enggau Entali Ai pukul 7.30 pagi tu tadi bisi ngerikod penambah tikas ai di stesen Ukong di Limbang enggau Long Panai di Miri.

Tinjau gaya hari urung jam 7.30 pagi tu mega mandangka nadai ujan di Bagi Menua bukai kelimpah di Miri. — DayakDaily