English version: https://dayakdaily.com/reopening-of-schools-in-three-districts-postponed-to-aug-3/
KUCHING, 14 Julai: Komiti Pengintu Penusah Ngenyit Negeri Sarawak (JPBNS) seharitu netapka sesi sekula di tiga pelilih menua iya nya Kuching, Padawan enggau Samarahan ke diperambu dibuka ila ditangguh ngagai 3 Ogos 2020.
Sapit Kepala Menteri Datuk Amar Douglas Uggah madah atur nya mungkur 138 iti sekula di ketetiga pelilih menua.
Ku iya, pemutus digaga pengudah nerima penemu Opis Pengerai Negeri Sarawak, Komiti Pengelikun Menua Negeri Sarawak sereta disetuju segulai enggau pengari Opis Menteri Pekara Pelajar Malaysia (Opis Pelajar Negeri Sarawak).
“Atur tu mungkur kelas peralihan, pom 1,2,3 enggau 4, pom 6 baruh enggau sekula primari taun 5 sereta 6 ti disadang dibuka kena 15 Julai 2020 enggau sekula primari taun 1,2,3 sereta 4.
“Penyampau 138 iti sekula udah ditemu kena bungkur atur tu alai nya ngarika 87 iti sekula di Pelilih Kuching, 48 iti sekula di Pelilih Padawan sereta 3 sekula di Pelilih Samarahan,” ku iya ba siti aum pengarang berita di Begunan DUN Lama seharitu.
Tajapia ku Uggah nambah, kelas prasekula, pom 5 enggau pom 6 atas mengkang besekula baka selama.
Iya ke mega Chairman JPBNS madah pemutus digaga ketegal kes pengelekai virus Covid-19 ti bisi nambah di Pelilih Kuching.
Iya madah ungkup sekula ba kandang endur kategori gadung kelimpah ari Kuching, Padawan enggau Samarahan, sekula tetap dibuka nitihka perambu. — DayakDaily
