Semua penanggul dokumen pengelala di Sarawak meseti diputar sebedau 1 Dis — TPM

Deputy Prime Minister, Datuk Seri Dr Ahmad Zahid Hamidi.

KUCHING, Nov 6: Semua penanggul bekaul peranak menua di negeri tu meseti diputar ambis laun nyentuk 1 Disember tu.

Sapit Menteri Besai, Datuk Seri Dr Ahmad Zahid Hamidi madahka perintah serius mutarka pekara nya ke lama endar empai teputar ti ngujungka anak mit ke diada di negeri tu nadai dokumen pengelala diri.

Ku iya, ketegal nadai dokumen nya udah ngujungka enda ulih nampung besekula lalu enda bulih pengawa sereta gaya pengidup ti enda meruan.

“Aku udah netapka haribulan lalu semua peminta ngaga dokumen ti nitihka penetap patut diputar kena tauka sebeldau 1 Disember taun tu.

“Pengarah Opis Pengerejista Bansa Menua (JPN) Sarawak udah dipinta numbuhka tim mutarka penanggul tu kelimpah ari tim ke ari baruh Menteri ba Opis Menteri Besai, Datuk Joseph Entulu Belaun ke bela bejalaika pengawa ke sebaka ba kandang menua ulu,” ku iya.


Iya bejaku munyi nya ba aum media udah bekau nemuai sereta gaya gaya ngagai Indu Opis Polis Kontinjen (IPK) Sarawak ditu lemai kemari.

Nyempulang iya, Sapit Kepala Menteri, Datuk Amar Douglas Uggah Embas; Sapit Menteri Dalam Negeri, Datuk Masir Kujat enggau Sapit Kepala Polis Negeri, Datuk Pahlawan Mohd Dzuraidi Ibrahim. — DayakDaily

Share this article!