PM semampai mendingka penanggul rayat Sarawak — Zahid

Datuk Seri Dr Ahmad Zahid Hamidi

KUCHING, Nov 6: Sapit Menteri Besai, Datuk Seri Dr Ahmad Zahid Hamidi madahka Perintah Besai semampai mendingka penanggul rayat ke lebih agi bekaul enggau pengidup sida jemah ila.

Tu nyengkaum pekara pelajar lebuh perintah negeri ngapil minta gaga ke lebih 1200 sekula tuai sereta repuk di negeri tu.

“Pelaba aku YAB Menteri Besai (Datuk Seri Mohd Najib Razak) setuju enggau perambu perintah negeri deka nguna belanja ari DBOS tauka Bank Pemansang Sarawak.

“Taja pia maya bejuraika Bajet 2018 kena 27 Oktober tu tadi, duit ari DBOS enda dipadah dikena tang Menteri Besai meri belanja RM1 bilion,” ku iya iya lebuh ngelanchar program Ekspresi Negaraku Renggat Negeri Sarawak di Dataran Perayaan Petra Jaya di Kuching pagi kemari.

Sama bisi datai Kepala Menteri, Abang Johari, Sapit iya, Datuk Amar Douglas Uggah Embas sereta Menteri Komunikasi enggau Multimedia, Datuk Seri Panglima Salleh Said Keruak.


Program ke berengkah kenyau ari ensana nya digulu lebih 5,000 iku. — DayakDaily