KUCHING, Mei 20: Sekeda Gerempung Ukai Dikuasa Perintah (NGO) enggau individu di serata negeri diatu ngaga inisiatif ngumpul ai mineral ngambika dianjung ke Kabong, ti betapi enggau penanggul suntuk ai.
Datuk Wan Abdillah Adruce, madahka sida nganjung raban mantu pada pagi tu tadi.
“Kami udah ngumpul lebih 100 kotak air mineral ngambika diberi ngagai peranak di Kabong, ke udah putus bekal ai kenyau beberapa hari ke udah.
“Kami sinu enggau penusah ke nuntung sida kelebih agi maya bulan Ramadan tu,” ku iya.
Iya meri terima kasih ngagai bala bakih iya ke udah nyaup ba kereja pengasih tu.
“Bantu kita besai amat reti,” ku iya.
Tu kedua kali Wan Abdillah ngaga inisiatif nya pengudah tiga taun ke sebedau tu ngagai endur nya.
Beberapa hari ke sebedau tu, raban nembiak Islam di genturung nya udah mantaika dalam media sosial ke alai peranak genturung pendiau nya minta bantu bekal ai pengudahka beberapa hari nadai ai.
Iya mega minta raban masjid besembiang ‘solat hajat’ ngambika bisi ujan ba menua nya.
Berebak enggau nya, diberita Kepala Menteri, Datuk Patinggi Abang Johari Tun Openg deka ke Kabong urung pukul 2 ngalihari pagila ninjau gaya penusah ke nyadi ba menua nya. — DayakDaily
