Rohani: Program Opis Menteri deka ditusun baru

Women, Family and Community Development Minister Datuk Seri Rohani Karim. - Facebook

TEMERLOH: Opis Menteri Pemansang Orang Indu, Ruang Bilik enggau Raban Bansa deka nusun baru program ti dipejalaika opis menteri nya di serata Malaysia ngambika semampai relevan ba mensia mayuh.

Menteri opis nya, Datuk Seri Rohani Abdul Karim madah, nengah pengawa ngangkatmanah program nya, sida ulih ngelala program ke engkeman ungkup sesebengkah menua nitihka peneka mensia mayuh ba menua nya.

“Guna tetiap nengeri bebida ambika chunto di Temerloh ti berat agi ke industri ikan patin.

“Program ti enda nerima sambut ke manah deka diketu sereta disilih enggau program ke engkeman agi ke maya hari tu,” ku iya ba aum pemberita lebuh bejadi program ‘Negaraku’ renggat nengeri di Dewan Tun Razak Temerloh ditu empai lama udah.

Sama bisi datai maya nya Chairman Komiti Dagang Temuai Adat enggau Main Asal nengeri, Datuk Seri Mohd Sharkar Shamsuddin enggau Chairman Komiti Orang Indu, Ruang Bilik, Komunikasi enggau Multimedia nengeri, Datuk Shahaniza Shamsuddin.