BINTULU, Mac 12: Semua penduduk rumah panjangi dalam sitak Parlimen Bintulu patut berandau sereta mendingka penemu semua nyema bisi nya sesebengkah penanggul di rumah panjai sida.
MP Bintulu, Dato’ Seri Tiong King Sing madahka penemu semua beguna amat dikena mutar penanggul ke nyadi ba sesebengkah komuniti itu.
“Semua tu dikena nyeliahka peranak ba rumah panjai pambar.
“Aku ngarapka semua tuai rumah semampai beratka pekara ke digaga, lalu nyaga nembiak sida sereta bekerejasama enggau raban opis perintah ke pemaik enggau pengelantang pengidup sida,” ku iya.
Tiong mega minta rayat ba sitak Parlimen Bintulu beratika memanah entara transformasi ti udah digaga perintah enggau reformasi ti disadaka penyakal.
“Rayat patut nemu beratika oenyakah perintah ngintu sereta ngemansangka menua lalu anang mudah tepejuh runding mendingka oenemu orang ti enda manah runding,” ku iya.
Tambah iya, pemujur, pengelantang enggau pemaik sesebuah menua bepanggai ba penegap penyerakup semua rayat lalu pelasar penyerakup iya nya pemereti ati enggau pengelikun entara pupu bansa. — DayakDaily
