KUALA LUMPUR, Jan 5: theRakyat, portal rasmi Barisan Nasional (BN) digaga ke tuju nyadung pemadah ke amat, betul sereta jampat bekaul enggau pengawa perintah ngemansangka rayat.
Sapit Menteri ba Opis Menteri Besai, Datuk Seri S.K. Devamany madahka portal nya mega nerang ngagai rayat program enggau strategi ke benung sereta deka dipejalaika nyerumba Pngawa Bepilih Besai Ke-14 (PRU14).
“Pelngawa ngelancharka portal therakyat.com kemari mandangka Menteri Besai, Datuk Seri Najib Tun Razak enggau rintai ketuai BN sudah sedia mutarka peragam jai ti dikerembai ketegal berita palesu ke digaga penyakal,” ku iya a sebengkah penerang ditu keari.
“Nyata amat penyakal bepolitik nguna chara mejal runding nengah bemacham pwtenah sereta pemadahka beputar belit. Pengamah runding ke baka tu endang deka nyungkit peragam negatif ngagai perintah,” ku iya.
Portal theRakyat bisi tujuh batang segmen iya nya interbiu, majalah, analisis, ‘e-rakyat’, pemadah grafik, rikod video enggau manifesto BN sereta disikap enggau sekeda gaya ke diatu enggau digital ngabika mesej ti dikenataika nya lebih dinamik sereta manah dipeda.
Portal nya nguna rambai jaku ‘Dahulukan Rakyat’ ti deka mandangka profil enggau pemadah pasal chalun BN ke deka bediri minta pilih ba PRU14, kelimpah nyadi platform ke rayat ngambika nemu pasal perambu enggau semaya BN ungkup Malaysia ke timpuh lima taun ke deka datai. — DayakDaily
