Bangkai nembiak ke ditagup baya udah ditemu

Pasukan SAR menemui cebisan anggota badan mangsa.

KUCHING, Jan 5: Bangkai nembiak lekaki ke ditagup baya di Genturung Pendiau Melayu Dit Debak, udah ditemu pagi tadi.

Sapit Pengarah Operasi Opis Bomba enggau Penyah Penusah Sarawak, Tiong Lai Hii madahka operasi ngiga sereta nyelamat (SAR) tetemuka tubuh Abanh Mohammad Haikal Abang Suip, 13, nadai agi pala, kededua piak jari enggau kaki.

Ku iya, radius endur ngiga sehari tu irung tiga kilometer ari Henturung Pendiau Buda ke Pasar Debak nengah sungai ti fokus ngagai lapan alur sungai.

“Urung pukul 10.45 pagi, bangkai iya ditemu raban bomba, polis enggau Pertahanan Awam serwta peranak menua nya ke sama enggau ngiga nya. Penyauh bangkai iya ditemu urung 1.5 kilometer ari kandang tanjung semak enggau Genturung Pendiau Buda,” ku pemadah nya sehari tu.

Ku Hii, bangkai nya lalu dibai ngagai Klinik Pengerai Debak.


Kena Hari Tiga (3 Jan) Abang Mohammad Haikal udah ditagup baya lebuh ke benung nginti enggau petinggal iya di Sungai Dit Genturung Pendiau Melayu Dit. — DayakDaily