Perintah Sarawak deka ngenyampatka bayar elawin ngagai Ketuai Raban Bansa

Chief Minister's Department insignia

KUCHING, Mei 25: Perintah Negeri Sarawak deka nanggung sereta neruska bayar elawin ngagai bala ketuai Raban Bansa negeri Sarawak, pia ku pemadah ari Opis Menteri Sarawak.

Nya berindik ari Opis Menteri Pemansang Menua Pesisir enggau Kandang Menua ti surat tesau nangguhka sementara semua pekara bekaul Komiti Pemansang enggau Pengelikun Genturung Pendiau (JKKK)/JKKK Perintah Besai.

Tu nyengkaum nyiri, nyilih, mayar elawin enggau pekara bukai ke bekaul.

Perintah Negeri Sarawak madah ba penerang nya, deka ngenyampatka bayar elawin nya beserimbai pengerami Gawai Dayak enggau Hari Raya Aidilfitri ke deka diintu enda lama agi.

Sebedau tu Ketuai Raban Bansa ke mega chairman JKKK nerima elawin RM900 sebulan. — DayakDaily


Share this article!