MUKAH, Jan 15: Kelimpah sawit, lada enggau pengawa berikan, mulung nyaup nyadi pegeluar keempat besai industri betanam betupi Sarawak.
Pengawa ngangkatmanah utai tanam baka mulong di negeri tu nengah pengawa numbuhka Kaunsil Mulong Sarawak nyaup nyungkak tikas pengidup kelebih agi rayat nebing pantai.
Menteri Pengelantang Pendiau Komuniti, Orang Indu, Ruang Bilik enggau Pemansang Nembiak Mit Datuk Sri Fatimah Abdullah madahka, tusun pengawa ke sistematik sereta profesional ngemayuhka produk bepelasarka mulong ulih ngangkatka industri nya.
Bejaku ba Pengerami Bejadi Aum Pengari Parti Pesaka Bumiputera Bersatu (PBB) Zon Mukah ti dipenyadika Kepala Menteri Datuk Patinggi Abang Johari Tun Openg, Fatimah madah, pengawa ngemesaika makit produk bepelasarka mulong bela bekaul enggau batang produk enggau produk bukai ke bela ari mulong.
Ku Fatimah ti mega Kaban Kunsil Negeri Dalat, perintah deka berundingka peminta lebih 700 iku pekebun mit ti deka ngulihka surat pala tanah ti endur sida betanam ngelama tu, ke alai 90 peratus palan endur nanam mulong di Sarawak dipejalaika raban pekebun mit. — DayakDaily
