Pengaji meseti engkah iklan pengawa puang dalam portal JobsMalaysia

Business, jobs and trade. — DayakDaily.com file pic. // Photo: Pixabay

KUALA LUMPUR, Ogos 15: Opis Pengatur Pengereja Pengawa netapka pengaji meseti engkah iklan pengawa puang ba kompeni sida dalam portal JobsMalaysia dikena nentuka pekereja menua tu dikemeratka dibanding enggau pekereja ari menua luar.

Sapit Menteri nya, Datuk Mahfuz Omar madahka nya dikena nentuka rayat menua tu bisi peluang minta pengawa puang nya sebedau ngambi peranak ari menua bukai.

“Nitihka rekod, nyentuk ke diatu pinta ba pengawa puang ari pekereja ari menua luar digaga ba Opis Kuasa Kereja (JTK) ari baruh Opis Menteri Pengatur Pengsreja Pengawa ke urung 25 ngagai 30 peratus aja dikemendarka.

“Tu mandangka opis menteri nya siru amat enggau prihatin pekereja menua tu lalu pekara nya bekaul enggau pengawa ngaji pekereja menua luar ke alai JTK dulu agi nasat penyampau pinta pengaji ke deka ngaji pekereja menua luar nitihka pinta industri,” ku iya maya sesi tanya saut aum Dewan Rakyat, kemari.

Mahfuz nyaut tanya Datuk Zahidi Zainul Abidin (BN-Padang Besar) ti nanyaka tagit enggaau perambu ba atur ngurangka bepanggai ngagai pekereja menua luar sereta peluang gawa ti disedia ngagai rayat Malaysia nitihka bidang kereja ti diungkup ngagai pekereja menua luar sebedau tu. — DayakDaily