Semina projek ti meri pemaik terus ngagai rayat dipajakka – Azmin

Datuk Seri Mohamed Azmin Ali (photo sourced from his Facebook account)

Follow and subscribe to DayakDaily on Telegram for faster news updates.


KUALA LUMPUR, Ogos 15: Ukai semua projek dikemansang di menua tu deka dikinsil, tang projek ti meri pemaik terus ngagai rakyat tauka “people centric and high impact project” deka diteruska, ku Menteri Pekara Ekonomi, Datuk Seri Mohamed Azmin Ali.

Ku iya, dikena nentuka pengelantang, prngelikun enggau tikas pengidup rayat diintu manah kelebih agi di menua pesisir, bisi projek pemansang ti deka diteruska.

“Entara nya, baka ngaga jalai alun, jematan, bekal ai, elektrik, pengelikun enggau pengerai, sekula sereta rumah jalai pengarap.


“Berebak enggau nya projek ke ditangguh serwta dikinsil iya nya projek besai laban perengkaguna ke diatu agi ulih dikena rayat, nya kebuah kami ngasaika bisi pematut rintai ke deka dikemeratka kami dulu,” ku iya lebuh bejaku nutup jurai Rang Undang-Undang Perbekalan (Ngungkup Baru Belanja) taun 2018 Perambu Anggar Belanja Pemansang (Ngungkup Baru Agih Belanja ) taun 2018, di Parlimen, kemari.

Sebedau tu diberitaka perintah deka nginsil projek infrastruktur disukung menuaChina ke beungkus bebilion ringgit ke disain perintah ke sebedau tu berindik ari pengawa deka ngelaspaska menua tu ari utang. — DayakDaily