Pelin Pemansang Pelajar Malaysia 2013-2015 agi dikena

Lecture. — DayakDaily.com file pic. // Photo: Pixabay

Follow and subscribe to DayakDaily on Telegram for faster news updates.


PUTRAJAYA, Mei 15: Pelin Pemansang Pelajar Malaysia 2013-2025 deka diteruska lalu bisi ubah mimit bepelasarka guna menua enggau entarabansa, ku Ketuai Sekretari Opis Menteri Pelajar Datuk Seri Alias Ahmad.

Ku iya, pelin nya dijangka fleksibel udah tu ila.

“Naka ke diatu pelin nya deka diteruska,” ku iya madah ngagai pemberita lebuh ditanya skalika pelin nya mengkang relevan tauka enda dalam era perintah Pakatan Harapan, pengudah bejadi ‘Larian Mesra’ sepenyauh 3km beserimbai enggau Pengerami Hari Pengajar Renggat Nasional sehari tu tadi.


Sentang pengerami Hari Pengajar taun tu, iya madahka nya deka diatur pengelama tiga hari berengkah enggau ‘majlis tahlil’ kemari ditangkanka pengawa belanda, forum sereta makan lemai sehari tu enggau pagila ke nyadi Pengerami Hari Pengajar.

Berambaika leka jaku ‘Transformasi Menjana Perubahan’, pengerami Hari Pengajar Renggat Nasional ke-47 sekali tu diatur Wilayah Persekutuan enggau Selangor ti dekaka raban pengajar sedia napi bemacham pemar kelebih agi ti dibai arus global, ku iya. — DayakDaily