Riot enda ngulu aum CWC SUPP ketegal ngulu aum BN di Kuala Lumpur

Datuk Seri Richard Riot Jaem

Follow and subscribe to DayakDaily on Telegram for faster news updates.


KUCHING, Mei 15: MP Serian Datuk Seri Richard Riot Jaem enda ulih ngulu aum (CWC) Parti Sa’ati Rayat Sarawak (SUPP) kena malam Hari Satu laban iya di Kuala Lumpur, ngulu aum Barisan Nasional (BN) malam nya.

Nitihka penerang ari orang ti semak enggau iya, Riot ukai nyeliahka diri ari aum CWC SUPP ketegal iya nadai agi ati deka begulai enggau raban parti nya. Tambah mega iya agi Sapit Presiden SUPP.

Riot mega ngenukuka diri entap enggau Barisan Nasional (BN) ari baruh pegai Datuk Patinggi Abang Johari Tun Openg sereta enda ninggalka BN lalu nyereta Pakatan Harapan ke megai perintah ke diatu.

Pengudah Aum kena malam Hari Satu nya, SUPP bisi ngeluarka penerang ti madahka parti nya nerima pemutus rayat tqng enda begilik penemu deka ngambi pulai hak Sarawak ari perintah besai.

Ba Pengawa Bepilih Besai Ke14 tu tadi, Riot ti ngarika SUPP – BN udah menang ba sitak Serian, ke mega semina siti nya aja kerusi SUPP ti ulih ditanka ari semua enam kerusi ti diungkuo ngagai parti nya ba renggat parlimen. — DayakDaily