Raban opis pelajar meseti nyukung perintah ke diatu

Classroom. — DayakDaily.com file pic. // Photo: Pixabay

PUTRAJAYA, Mei 16: Raban opis pelajar meseti nyukung perintah ke diatu setipak enggau atur pengereja pengawa perintah, pia ku Sekretari Opis Menteri Pelajar Datuk Seri Alias Ahmad.

Ku iya, sukung ngagai perintah ti diiring Pakatan Harapan diatu ulih nentuka pengulih menua enggau pemansang pelajar majak diangkatka.

“Sesiku pemesai perintah patur semampai ngembuan penaluk ke nadai bebagi ngagai Yang Di- Pertuan Agong, menua enggau perintah ke mai reti perintah ke diatu.

“Raban pengajar ke mega pengereja pengawa perintah patut talukka Menteri Besai enggau raban menteri ti diaku Yang di – Pertuan Agong sereta dipilih rayat nengah sistem demokrasi kena Mei 9 tu tadi”, ku iya lebuh bejadi pengerami Hari Pengajar Renggat Nasional sehari tu tadi.

Sama bisi datai Ketuai Direktor Opis Pelajar Datuk Dr Amin Senin.

Alias mega dekaka ulah ti taluk sereta lurus ati ngagai Yang di-Pertuan Agong enggau menua deka majak ditegap dalam ati tetiap nembaik sekula ari renggat sekula ngambika sida meretika prinsip penaluk enggau demokrasi beparlimen.

Dalam sektor pelajar, iya madahka opis menyeri sedia nyukung sebarang ubah ti dibantaika perintah enggau ketuai baru ti ngiring opis menteri nya ila. — DayakDaily