KUCHING, Mei 13: Pampang Nembiak Pakatan Harapan (PH) ngenggaika Barisan Nasional (BN) Sarawak nyeretai Pakatan Harapan, nyema sida bisi ngembuan pengingin nya.
BN Sarawak diarika PBB, PRS, PDP enggau SUPP.
Pamapang Nembiak PH madah munyi nya ba sebengkah penerang ti dipansutka sida.
Ku direktor pengawa bepilih Simon Siah, penama BN ke dalam PH deka ngasaka pengandal rayat enggau pengundi.
PH menang 10 ari 31 kerusi Parlimen di Sarawak.
Dua kerusi agi dimemang chalun Ngatika Diri.
Ku iya dalam penerang nya, pemutus dalam PRU14 mandangka rayat Sarawak sedia ngaga pemutus runding.
Chairman PH Chong Chieng Jen enggau Chairman PKR Baru Bian sebedau tu ngenggaika BN nyeretai PH laban nya disebakaka enggau UMNO nyeretai PH. — DayakDaily
