Bansa Bidayuh dekaka MP sida dichiri dalam kabinet

Pakatan Harapan ruled state government in Kedah collapses today (May 17, 2020)

KUCHING, Mei 13: Pengingin bansa Bidayuh deka meda MP sida dichiri dalam Kabinet Perintah Pakatan Harapan dibantaika ba Padang Bilun Antarabansa Kuching ditu kemari.
Ba pengawa bepilih kena Mei 9 tu tadi, dua kerusi majoriti Bidayuh labuh ngagai jari Pakatan Harapan.

Kerusi Puncak Borneo dimenang Willie Mongin ari Parti Keadilan Rakyat (PKR) lalu Mas Gading dimenang chalun DAP, Mordi Bimol.

“Kami dekaka YB Willie Mongin dichiri dalam Kabinet Pakatan Harapan,” ku banner ti dibantaika penyukung iya di KIA, ensana.

Willie ngalahka chalun BN, Jeannoth Sinel nengah 4,005 undi majoriti. Mordi menang nengah 3,024 undi majoriti ngalahka chalun BN Datuk Anthony Nogeh.

Ba aum media ensana, Menteri Besai Tun Dr Mahathir Mohamad madah bisi ngalauka endur ngagai engari rayat ari Sabah enggau Sarawak dalam kabinet perintah Pakatan Harapan.


Ba PRU14 tu tadi, BN Sarawak semina menang 19 ari 31 kerusi Parlimen.

Diatu Sarawak nyadi negeri penyakal sebaka enggau Perlis sereta Pahang. — DayakDaily