KUCHING, Feb 10: Pampang Nembiak Parti Pesaka Bumiputera Bersatu (PBB) deka nentuka Barisan Nasional (BN) menang besai di Sarawak ba Pengawa Bepilih Besai Ke-14 (PRU14).
Ex-Ketuai Nembiak PBB Datuk Seri Fadillah Yusof madah, pampang nya nengah Armada udah ngelangkar bemacham chara dikena nentuka pemujur besai nya dijapai.
“Pampang nembiak meri sukung ngagai PBB nengah bemacham chara ti dideka ditegika Armada,” ku iya bejaku ba Pengerami Bejadi Aum Besai Pampang Indu enggau nembiak PBB ba Pusat Konvensyen Borneo Kuching (BCCK) ditu kemari.
Ku iya, Nembiak PBB mega bediri tegap di belakang parti ari dulu nyentuk ke diatu.
“Sukung kita ngagai ketuai parti enda berubah ngagai ketuai parti,” ku iya.
Tambah iya baru, fokus pamapang nembiak iya ngenataika pemadah ngagai mensia mayuh sentang polisi perintah enggau pengawa nuntut hak Sarawak.
Fadillah ke mega Menteri Kereja Raya nambah, Kepala Menteri Datuk Patinggi Abang Johari Tun Openg deka ngubah Sarawak nengah ekonomi digital. — DayakDaily
