Opis Pelajar Sarawak netapka hari kemisi kena Mei 17 enggau 18

Classroom. — DayakDaily.com file pic. // Photo: Pixabay

KUCHING, Mei 15: Opis Pelajar Negeri (JPN) Sarawak netapka hari Kemisi Kelepasan Am enggau Tambah kena Hari Empat enggau Lima tu.

Direktor Opis Pelajar Sarawak, Rakayah Maadon madahka opis pelajar nurutka perintah ti dikeluarka perintah negeri ti madahka kemisi maya dua hari nya.

“Semua sekula kemisi kena Hari Empat enggah Lima, semua aktiviti dalam sekula ditangguh ngagai minggu baru,” ku iya sehari tu tadi.

JPN Sarawak ba penerang nya masahka semua raban pelajar nyengkaum raban sekula dipinta nitihka perintah nya sereta nusun baru program ke bisi kaul enggau haribulan nya.

Perintah negeri udah netapka Mei 17-18 nyadi hari kemisi ‘kelepasan am enggau tambah’ di serata Sarawak beserimbai enggau ‘cuti peristiwa’ kena 10 enggau 11 Mei ke diberi Perintah Pakatan Harapan pengudah menang ba PRU14, kena Mei 9 tu tadi. — DayakDaily