KUALA LUMPUR, Julai 19: Opis Menteri Pelajar deka numbuhka siti komiti dikena mansik baru polisi pelajar menua, bisi dipejuraika dalam Dewan Rakyat sehari tu.
Menteri opis menteri nya Dr Maszlee Malik madahka komiti nya deka megai tanggungpengawa mansik baru semua prinsip enggau polisi pelajar menua nyengkaum nambah manah kurikulum sereta sistem pelajar ari renggat prasekula nyentukka renggat universiti.
“Nya mega mungkur penyedar sivik sereta nempa ulah ti manah pia mega ngenegapka sains enggau teknologi,” ku iya lebuh nyaut tanya Ahmad Faizal Azumu (PH-Tambun) bekaul tunga kuing pelajar menua lebuh sesi saut tanya.
Ku iya komiti nya deka disereta orang ti landik dalam akademik, politik, jalai pengarap sereta pengari gerempung ukai dikuasa perintah.
Nyaut tanya tambah kaban ti sama bekaul pengawa ti deka dipejalai kena nyungkak tikas Jaku English lalu enda ngerunding sentang empas ba Jaku Melayu kelebih agi ungkup peranak di menua pesisir, iya madahka opis menteri nya deka nambah nganjung pengajar ti landik dalam Jaku English ke kandang menua pesisir. — DayakDaily
