Norah Abdul Rahman matak diri ngetanka sitak Tanjung Manis

Datuk Norah Abdul Rahman. (Photo source: www.parlimen.gov.my)

SIBU, April 20: Penyandang sitak Parlimen Tanjung Manis, Datuk Norah Abdul Rahman ari Parti Pesaka Bumiputera Bersatu (PBB) madahka iya matak diri ngenanka kerusi nya ba pengawa bepilih ke-14 (PRU14) tu.

Iya madahka pemutus nya nengah akaun Facebook, Norah madah: “Aku udah betemu udah betemu enggau YAB Kepala Menteri (Datuk Patinggi Abang Johari Tun Openg) enggau (Sapit Kepala Menteri) Datuk Amar Awang Tengah (Ali Hasan) minta diketuka dulu ari PRU ketegal pekara pengerai.”

Iya mega besampi ngambika Barisan Nasional bulih pemujur besai ba pengawa bepilih ke deka datai.

“Keringka sukung ngagai YAB Kepala Menteri enggau YAB Menteri Besai Malaysia. Tegapka kubu PBB/BN ba tetiap kandang endur di Tanjong Manis,” ku iya seraya minta ampun ngagai penyukung iya.

Terima kasih ngagai sukung ke udah diberi ngelama tu, Norah, 59, anak ex-Yang di-Pertua Negeri niang Tun Abdul Rahmah Ya’kub ngarapka semua ulih nerima pemutus iya ke matak diri enggau manah.


Ba PRU13, Norah betengali alan enggau chalun PAS Jurina Mut ke alai iya bulih 12, 535 undi enggau majoriti 10,964 undi.

Jurina bulih 1,571 undi sereta lenyau chengkeram. — DayakDaily