BAU, Feb 7: Penyandang kerusi Mas Gading, Datuk Anthony Gumbek ke mega Sapit Menteri Bumai enggau Industri Betanam Betupi dipelaba deka disatup chalun DAP Mordi Bimol enggau chalun PBDS Baru Patrick Anek Uren, ba Pengawa Bepilih Besai Ke-14 (PRU14) tu ila.
Ba PRU-13, Nogeh ke mega Sekretari Besai PDP ba sitak nya ke bediri minta pilih nengah tikit SPDP, udah ngalahka chalun bediri ngatika diri, Datuk Tike Lafe nengah majoriti 2,056 undi, ke alai iya udah bulih 8,265 undi lalu Tike semina bulih 6,109 undi.
Mordi, chalun DAP bulih 5,293 undi lalu Patrick, chalun STAR bulib 462 undi ngujungka iya lenyau chengkeram.
Taja pan dipelaba napi pemar, tang Nogeh dipechaya agi ulih ngenanka sitak nya, lalu majoriti undi iya dipelaba nambah.
Nitihka pemadah, tu dipeda berindik ari pengawa iya ke suah mgabas rayat sereta ngembuan kaul ke manah enggau Kaban Kunsil Negeri Tasik Biru, Datuk Henry Harry Jinep enggau Adun Opar Datuk Ranum Mina.
Ku pemadah nya baru, Nogeh deka betapi enggau isu bekal ai beresi ba kandang menua Bau, tanah NCR di Singai enggau semaya ngaga jematan di Kpg Selampit ti empai dikeamatka iya. — DayakDaily
