KOTA KINABALU, Julai 22: Institut Pengelikun enggau Pengerai Pekerja Menua (NIOSH) bisi muka program Pegawai Pengelikun enggau Pengerai ungkup Institusi Pelajar Tinggi (SHO for IPT) berengkah ari taun tu.
Chairman NIOSH Tan Sri Lee Lam Thye, madahka program nya endang ungkup nembiak ke ngambi Pelajar enggah Latih Teknikal sereta Vokasional (TVET) awakka sida bulih setipikit profesional kompetensi maya ba IPT sida.
Ku iya, program “SHO for IPT” nya deka dipejalaika NIOSH magang dikena ngurangka ungkus sereta ngetanka kualiti kus nya.
“NIOSH mega deka ngatur woksyop nyendiaka peresa enggau empat keretas peresa ke chukup ungkup program nya. Inisiatif ke pemadu baru nya ulih ngangkatka penyampau pekereja ti ngembuan pengelandik dalam pekara pengelikun enggau pengerai pekerrja (KKP),” ku iya madah ngagai pemberita pengudah bejadi pengerami Hari Pekerjaan keselamatan dan kesihatan (OSH) Sedunya renggat negeri ditu kemari.
Ku Lee, kelimpah ngelimat ungkus, program nya mega meri pemaik ngagai pengaji laban ngembuan pengereja pengawa ke bisi pengelandik sereta setipikit KKP. — DayakDaily
