Hari Sarawak patut dipereti ari sukut sejarah — Sebastian Ting

Datuk Sebastian Ting - file pic

MIRI, Julai 22: Rayat Sarawak patut nemu sida ulih ngasaika pengerami Hari Sarawak sehari tu ketegal ketuai kelia berani negi sereta berambun nyawa awakka Sarawak ulih merintah diri.

Kaban Kunsil Negeri Piasau Datuk Sebastian Ting pechaya rayat Sarawak patut meretika pemesai reti sukut sejarah ke diintu nengah pengerami nya.

Ba penemu pakar sejarah, Hari Sarawak engkeman agi dibanding Hari Merdeka Sarawak laban Gabenor British Sir Alexander Waddell agi diau ba Astana Negeri kena Julai 22 nya.

Ting ba sebengkah penerang media madah, tu mih maya ke pemadu manah ngagai rayat Sarawak temegahka pengawa manah ti udah digaga bala bujang berani kelia.

Iya ke mega Sekretari Besai Parti Rakyat Bersatu Sarawak (SUPP) madah, pengawa ngazet Julai 22 Hari Sarawak nyadi hari diau mandangka reti ke amat cuti Sarawak enda diperintah menua bukai agi disempulang komitmen nyapai penyemaka, ngatika, diterima, gawa kediri, lantang sereta likun. — DayakDaily