Najib: Berita manah ke pengereja pengawa perintah dalam Bajet 2018

Datuk Seri Najib Tun Razak

PUTRAJAYA: Menteri Besai Datuk Seri Najib Tun Razak madahka bisi berita manah nyengkaum ngangkatmanah sekeda pekara ungkup pengereja pengawa perintah ti deka dibantai dalam Bajet 2018, ke dipejurai kena 27 Oktober tu ila.

“Aku nemu mayuh orang nganti berita nya,” ku Najib ke mega Menteri Pekara Wang ba ‘Majlis Amanat Perdana Perkhidmatan Awam (MAPPA)’ Ke-15 ditu kemari.

Jaku Najib nya disambut enggau tempik jari ari lebih 5,000 iku pengereja pengawa perintah ti ngulu atur pengawa ninting taun nya, ke diatur ba Pusat Konvensyen Antarabangsa Putrajaya (PICC).

Nengah awak nya, menteri besai lalu meri jaku lalau ngagai raban pengereja pengawa perintah ari mayuh bengkah opis ba renggat perintah besai, nengeri, kaunsil kandang menua enggau kompeni bekaul perintah.