Pemansang sektor betanam betupi ulih ngangkat ekonomi rayat di Telang Usang

Deputy Chief Minister Datuk Amar Douglas Uggah Embas

LONG LAMA: Sapit Kepala Menteri Sarawak, Datuk Amar Douglas Uggah madahka perintah bebendar deka ngemajuka sektor betanam betupi ngambika ulih nyadi batang pemansut penatai pemisi sereta meri pengelantang ngagai rayat di menua pesisir.

Ku iya, aum enggau Ketuai Pemesai Eksekutif Kaunsil Pemansang Koridor Pelilih Sarawak (RECODA) Tan Sri Datuk Amar Wilson Baya Dandot deka diatur endur berandauka silik agi langgur pemansang di Long Lama, Telang Usang.

Lebuh bejadi bejadi Pengerami Penumbuh Ke-2 Pelilih Telang Usan 2017 di SJKC Kee Tee, Uggah meransang rayat di menua pesisir ngemansang sereta nguna tanah Adat Bansa Asal (NCR) dikena ngangkatka penatai pemisi sida bepelasarka asil betanam betupi.

Iya ngarap mayuh agi orang dagang dalam sektor betanam betupi ditempa asil gempung industri betanam betupi enggau ekonomi digital.

Ba pengerami nya Uggah bisi ngungkupka RM50,000 ngagai komiti pengatur ngambika bisi dikena ngaduka aktiviti sida.