LSS berengkah bejalaika operasi kemari

People boarding and disembarking from boats at Ulu Katibas. — DayakDaily.com file pic.

SIBU, Dis 22: Kunsil Sungai-Sungai Sarawak ngepunka operasi berengkah ari kemari beserimbai enggau pengerami Hari Krismas.

Penulung Kontroler LSS Kandang II, Hatta Morshidi madahka operasi renggat keterubah nya dipejalaika nyentuk Hari Minggu tu ila.

Renggat kedua operasi deka berengkah ari 30 Disember nyentuk 1 Januari 2018, ku iya kemari.

Beserimbai enggau operasi nya, LSS deka ngemerat jalai ekpres Sibu ke Song enggau Sibu ke Kapit ti dipelaba ngundan mayuh penumpang.

Ku Hatta, pengawa ngetanka pejalai ekpres ba sungai mega deka diatur sekumbang nya kelimpah pengawa matau dikena nentuka semua perengka pengangkut sungai nitihka atur.


Semua pengemeran dagang ekpres enggau jeragan dilalau nitihka atur sereta anang ngundan penumpang ngelui ari pematut baka ke bisi dalam Permit Perengka Pengangkut Sungai (RTP).

Hatta mega madahka penyampau penumpang ba palan penyangkai ekpres Sibu ngenyit mayuh, ke alai kena 19 Disember 880 iku penumpang dirikod datai ba TPS lalu 682 iku udah bekejang. — DayakDaily

Share this article!