Bantu komuniti enggau ati ti lurus — Tan Kai

Sarawak United Peoples' Party (SUPP) logo

KUCHING, Dis 22: Ketuai raban nembiak Sarawak United Peoples’ Parti (SUPP), Tan Kai udah minta bala ketuai nembiak enggau kaban nya anang nangi meri servis ngagai komuniti.

Tan ke mega nyadi Sekretari Politik Kepala Menteri, madahka sida meseti mantu semua rayat enggau ati ke lurus seraya ngarapka sida ulih nyaup parti menang ba pengawa bepilih.

“Kitai meseti mantu rayat enggau nadai penangi. Awakka baju kuning kitai dipeda ba serata endur,” ku iya bejaku ba Aum Pengari Nembiak Tiga Taun Sekali Ke-15 (TDC) ba Boutique hotel ditu kemari.

Bisi 127 iku pengari raban nembiak enggau 28 iku pengemata ngulu aum nya ti dipenyadika Presiden Parti Datuk Dr Sim Kui Hian.

Ku iya, Nembiak SUPP udah meri sukung penuh ngagai ketuai parti sereta bekerejasama enggau pampang nembiak parti komponen BN ke bukai.


Ku iya, BN Sarawak meseti menang ambis nadai 29 ari 31 sitak parlimen ba PRU Ke-14.

BN Sarawak megai 31 sitak parlimen, enam ari nya dikuasa penyakal DAP.

Semua enam sitak parlimen nya diempu SUPP, parti politik ke pemadu tuai di Sarawak. SUPP diatu semina nguasa sitak parlimen Serian. — DayakDaily