MIRI, Dis 27: Majlis Bandaraya Miri (MCC) melabaka lebih 50,000 iku deka begempuru ba pengerami ngitung jam Taun Nemuai Ke Miri 2018 (VMY2018) di Marina Central Park kena 31 Dis.
Chairman Komiti Pemansang Dagang Temuai MCC Ernest Khiok Seng Goh, madahka main ke penudi endar iya mandangka main bungai api ti dipelanja kompeni pemaju retatanah menua tu kena pukul 12 tengah malam.
“Menteri Muda Dagang Temuai, Art enggau Main Asal Negeri Datuk Lee Kim Shin deka ngarika Kepala Menteri Datuk Patinggi Abang Johari Tun Openg bejadi pengerami nya,” ku iya madah ngagai pemberita pengudah nyadi chairman aum komiti nya kemari.
Ku iya, beserimbai enggau pengerami ngelancharka nya, maskot dua penempa VMY2018 deka dibantaika ngagai mensia mayuh.
Ku iya, bazaar pemandang enggau endur bejual mega bisi dibuka nyerumba atur pengawa nya ti disempulang enggau pengawa mantaika muzik sereta main asal ke berengkah ari 29 Dis, pukul 10 pagi nyentuk 10 malam. — DayakDaily
