Lebih 10,000 iku polis udah ngundi nengah chara pos di serata Sarawak

Royal Malaysia Police logo

KUCHING, Mei 5: Lebih 10,000 iku polis Sarawak udah ngundi tumu nengah chara pos.

Berengkah ari Hari Lima, bisi 1,123 raban polis di serata Sarawak ngundi nengah pos di 28 pelilih polis di kontinjen Sarawak.

Berebak enggau nya, sehari tu bisi 9,291 iku agi raban polis deka ngundi tumu, 8 pagi nyentuk 5 lemai.

Ku Pesuruhjaya Polis Sarawak Datuk Sri Amer Haji Awal,raban polis ba indu opis Polis Kontinjen (IPK) Johor sereta ngundi nengah pos di Kelab Polis, IPK Sarawak.

Ngagai bala polis ti dianjunh gawa ngagai menua pesisir, sida deka bekejang kin pengudah tembu ngundi nya.

Nengah awak nya, Amer mega ngelalau pengundi nurun tumu maya hari muai undi dikena nyeliahka penyekut, kelimpah gaya hari ti enda meruan.

Orang ti pulai ke menua ngundi dilalau bejejaga maya betengahka jalai alun. — DayakDaily