Palan Latih Rela Sarawak deka digaga di Lundu — Wan Junaidi

Datuk Seri Wan Junaidi Tuanku Jaafar

LUNDU, Mei 5: Palan Latih Rela Sarawak ke beungkus RM165 juta nyengkaum Opis Rela Pelilih Lundu deka digaga, pia ku chalun BN Parlimen Santubong, Datuk Seri Wan Junaidi Tuanku Jaafar.

Enti udah tembu ila, palan nya ulih mantu ngangkatka ekonomi peranak menua dia, laban semua raban Rela deka begempuru ditu.

Lundu mega deka majak maju lalu mayuh agi pemansang deka dipejalaika perintah,” ku iya lebuh bejaku ba Program Khidmat Bakti Rela Daerah Lundu ditu, sehari tu tadi.

Ku iya, perambu ngaga palan nya ke bendar diperunding maya iya agi nyadi Sapit Menteri Dalam Negeri.

“Aku enggau Datuk Seri Ahmad Zahid Hamidi (Menteri Dalam Negeri) merambu deka ngaga palan tu di serata menua lalu siti palan digaga ba Parlimen Santubong,” ku iya.


Keterubah, palan nya diperambu digaga di Petra Jaya tang ex Kepala Menteri (niang Pehin Sri Adenan Satem) dekaka nya digaga di Lundu,” ku iya. — DayakDaily