PUTRAJAYA, September 7: Opis Menteri Pelajar (KPM) komited deka ngintu lalu ngemanah sekula repuk dalam timpuh lima taun.
KPM ba penerang kemari madahka komitmen nya dipadahka menteri opis nya, Dr Maszlee Malik lebuh nemuai seraya gawa pengelama dua hari ke Sarawak berengkah ari kemari.
“Tuju penemuai nya laban deka meda gaya beberapa buah sekula dalam kandang Samarahan enggau Simunjan.
“Entara ke diabas iya, iya nya SK Terasi, SK Abang Man enggau SMK Sri Sadong,” ku iya.
Ku KPM, penemuai nya mega bela disereta Ketuai Sekretari KPM Datuk Dr Gazali Abas, Sapit Ketuai Direktor Opis Pelajar Datuk Sulaiman Wak enggau sapit direktor Opis Pelajar Sarawak Abang Mat Ali. — DayakDaily
