105 projek pemansang menua pesisir beungkus RM916 juta deka terus digaga – Rina

Rina Mohd Harun

KUCHING, September 7: Opis Menteri Pemansang Menua Pesisir (KPLB) deka neruska 105 projek pemansang menua pesisir di Sarawak ke beungkus RM916 juta.

Menteri opis nya, Rina Harun madah pemutus nya digaga pengudah opis menteri nya ngaga pansik serap sentang pekara nya.

Ku iya, entara projek nya baka projek bekal ai beresi, projek bekal elektrik enggau projek bantu pengawa berumah ungkup rayat seranta.

“Kami (opis menteri) ngenuluka projek ungkup rayat ngambika peranak menua pesisir ulih ngasaika perengkaguna nya.

“Nya kebuah, sebengkah komiti ditumbuh dikena ngeratka mengeratkan agi kerejasama entara perintah negeri enggau perintah besai ngambika projek nya mujur dipejalaika kelimpah nyeliahka ari beserak sereta menyati,” ku iya ngagai pemberita.


Rina keterubah nemuai meri basa ngagai Kepala Menteri Sarawak, Datuk Patinggi Abang Johari Tun Openg, di bangunan Dewan Kunsil Negeri (DUN) ditu kemari. — DayakDaily