KUALA LUMPUR, Jun 29: Opis Menteri Pengerai Malaysia (KKM) matak enam iti agi chap produk ikan sardin dalam tin ari dijual laban amat ditemu bisi ngundan ulat Filum Nematoda ari genus Anisakis spp.
Ketua Direktor opis nya Datuk Dr Noor Hisham Abdullah madahka enam produk ikan sardin iya nya chap Cinta, Sea Fresh, HS Brand, King Cup, Bintang enggau TC Boy.
Ku iya, KKM mega ngambi atur Ngetan, Nguji enggau Lepas ba pengawa ngimport produk ikan dalam tin di semua pintu penama ke menua tu.
“Ngetan, Nguji enggau Lepas siti ari atur ke alai sampel deka diambi sereta dianalisis lalu produk nya semina dilepas enti sema pemutus analisis nunjukka nadai penanggul ditemu tiada dalam pekara tu baka ulat Filum Nematoda ari genus Anisakis spp.
“Ungkup produk ikan dalam tin ke dipansutka menua tu, verifikasi di semua kilang pengeluar dipejalaika KKM,” ku iya dalam penerang kemari. — DayakDaily
