KKLW deka numbuhka komiti ngemata projek

Datuk Seri Ismail Sabri Yaakob - file pic

KUCHING, Okt 18: Opis Menteri Pemansang Menua Pesisir enggau Kandang Menua (KKLW) begulai enggau Perintah Nengeri Sarawak sereta Sabah deka numbuhka siti komiti kereja begulai ba awak ke semak tu.

Menteri opis nya, Datuk Seri Ismail Sabri Yaakob madahka komiti ti deka ditumbuh nya deka merambu sereta ngemataka projek ti dipejalai dikena nyeliah nyadi projek ‘sakit’.

“Ketuai Sekretari opis menteri tu enggau Sekretari Mendan opis menteri tu deka nyadi chairman komiti kereja ti bekaul enggau nengeri Sarawak.

“Ungkup komiti tetinggi, aku enggau Sapit Kepala Menteri Sarawak ke mega Menteri Betanam Betupi Moden, Tanah Adat enggau Pemansang Kandang Menua, Datuk Amar Douglas Uggah Embas deka nyadi chairman komiti tu,” ku iya ba aum media sepenembu Aum Penyemaka Entara Menteri Pemansang Menua Pesisir enggau Kandang Menua begulai enggau emajuan Luar Bandar bala exco Kandang Menua Pesisir (MEXCLUB) Bil 2/2007 ditu ensanus.

Komiti tu deka baum belama beratika tetiap projek ti nenung digaga ngambika ulih nyeliah nyadi projek sakit enggau ke bukai,” ku iya.

“Aum keterubah komiti Tetinggi dipelaba diatur pengudah Menteri Besai Datuk Seri Najib Tun Razak bejuraika Bajet 2018.

“Pengudah kitai penyampau agih belanja (ungkup Sarawak) baru kitai nemu langgur projek ke deka digaga perintah nengeri,” ku iya. — DayakDaily