Ripot staf perintah ti ngelanggar atur maya jam kereja, ku Mansur

A man checks his watch. — DayakDaily.com file pic. // Photo: Pixabay

KOTA SAMARAHAN, Okt 18: Mensia mayuh diperansang ngeripot nyema bisi tetemuka pengereja pengawa perintah nengeri enda gawa nitihka atur kereja, baka makai sebelah kedai maya jam gawa.

Sekretari Perintah Besai, Datuk Mansur Man madahka ripot nya tau ngujungka opis sida ulih ngukum staf nya.

“Mensia mayuh nemu dini patut alai staf perintah maya nya, enti sida ngeripot bekaul enggau pekara disiplin, kami deka ngambi atur ke lengkas pengudah kami mansik ripot nya,” ku iya pengudah nyuaka perais ngagai pemenang ba program “Kembara Inovasi” beserimbai enggau Pengerami Minggu Inovasyen Pengereja Pengawa Perintah Nengeri Sarawak ke diatur ba Kampus INTAN Sarawak, kemari.

Ku Mansur, bala pemesai iya bisi nerima mayuh ripot ari mensia mayuh bekaul pengawa salah staf perintah.

Taja pia, nya ukai nyadi isu nyema enda ngelanggar disiplin.


Mansur nengah awak nya madahka diri puas ati enggau pengawa ke dikereja staf perintah, kelebih agi ari baruh pegai opis iya. — DayakDaily