SRI AMAN: Rakyat patut nguna semua peluang perengka guna ti disediaka perintah.
Ku iya, patut meretika sereta nerima ubah enggau penemu baru lalu ngubah chara berunding nyengkaum chakah gawa awakka enda tinggal ari arus pemansang.
Perintah semampai bebendar mai pemansang enggau perengka guna ke rayat, ku Menteri Pemansang Orang Indu, Ruang Bilik enggau Raban Bansa, Datuk Seri Rohani Abdul Karim.
Pengawa nya ulih dipeda nengah mayuh bengkah program pemansang ti dipejalaika perintah nengeri ke pemaik enggau pengelantang rayat,” ku iya lebuh bejaku ba Pengerami Ketuai Begulai enggau Rayat di Rumah Wilson Bada, Gran B, Stumbin, ditu kemari.
Ku iya, juluk nya pedis dijapai nyema rayat enda nguna semua peluang enggau perengka guna pemansang ti disedia perintah.
Ulah nya deka ngerugi semua seretau tau nasalka pemujur projek pemansang ti digaga di nengeri tu, ku iya.
