KUCHING, Ogos 16: Sepenyampau 468.9 ekar babas angus dirikod di serata negeri Sarawak kenyau ari 3 Ogos.
Penulung Direktor Operasi Pengerara Api enggau Penyah Penusah Negeri, Tiong Ling Hii madah, nya penyampau semua ari 163 kes ke diriput.
Kena 3 Ogos, semina siti kes di Miri lalu kena 4 Ogos, bisi tujuh kes ditangkanka kena 5 Ogos (5 kes); 6 Ogos (7 kes); 7 Ogos (10 kes) enggau 8 Ogos (5 kes).
Kelimpah ari nya 11 kes diriput nyadi kena 9 Ogos; 10 Ogos (7 kes); 11 Ogos (9 kes); 12 Ogos (25 kes); 13 Ogos (27 kes); 14 Ogos (23 kes) enggau 15 Ogos (26 kes).
Ari 26 kes kemari ku iya, dua kes diputarka Balai Petra Jaya; Batu Lintang (2); Lundu (2); Kota Samarahan (1) enggau Sri Aman (2).
Bintangor ngrikod siti kes, Sungai Merah (4 kes); Sibu (2 kes); Mukah (2 kes); Bintulu (1 kes); Lopeng (4 kes) lalu Miri (3 kes). — DayakDaily
