Kandang endur ILP Miri ngerikod bacha IPU ke balat kamah pagi tu tadi

A view of Miri city overlooking its beaches during clear, sunny weather.

KUALA LUMPUR, Ogos 18: Semina siti kandang endur iya nya Institut Latih Industri (ILP) Miri, Sarawak, ngerikod Indeks Pengamah Angin (IPU) ke balat kamah enggau bacha 203, naka pukul 10 pagi tu.

Nitihka website Opis Rampa Menua, endur bukai di serata menua ngerikod bacha ke jelan iya pemanah kelimpah di Kangar, Perlis; di Langkawi enggau Alor Setar, Kedah; sereta di Tawau, Sabah, ke ngerikod IPU ti manah.

Bacha IPU entara 0 ngagai 50 dikategorika manah, 51 ngagai 100 (jelan pemanah), 101 ngagai 200 (kamah), 201 ngagai 300 (balat kamah) lalu 300 ke atas (tau ngeruga pengerai).

Mendia mayuh ke deka nemu tikas IPU di serata menua tau meda ba website http://apims.doe.my ngulihka bacha IPU pemadu baru ninting jam.

Berebak enggau nya, kualiti angin di Sarawak naka pukul 4 lemai kemari dirikod jelan iya pemanah.


Nitihka riput website Opis Rampa Menua Malaysia, Indeks Penngamah Angin (IPU) ba kandang Kuching ngerikod IPU 78, Samarahan (68), Sri Aman (76), Sarikei (74), Sibu (71), Mukah (78), Kapit (63), Bintulu (70), Miri (72) enggau Limbang (66).

Tiga hari ke sebedau tu, kandang menua ti ngerikod indeks IPU pemadu tinggi iya nya Kuching, Serian, Mukah, Sibu dan Bintulu berindik ari gaya hari ke majak panas pengelama seminggu.

Gaya kualiti angin ditambah nyadi kamah agi enggau babas tanah kerapa ke angus di Daro, ba kandang tengah negeri tu enggau sebun asap dari Kalimantan Barat, Indonesia. — DayakDaily