KOTA SAMARAHAN, Mei 29: Jematan Batang Samarahan ke beungkus RM94 milion semina dibuka sementara ngagai mensia mayuh iya nya ari pukul 4 lemai ngagai 7 malam kemari, semina dikena ngujika aja.
Dulu ari nya, mensia mayuh kelebih agi ti pulai ngintu Gawai Dayak, dilalau enda nengah jematan nya nyentuk ke notis baru dikeluarka.
Nitihka penerang ari Opis Kereja Raya (JKR), jematan nya patut buka sehari penuh kemari (Mei 28).
Jematan ke pemanjai 774-meter ti nyambung Kota Samarahan enggau Asajaya deka dibuka baru pengudah setipikit pengelikun jalai dikeluarka.Pengawa ngaga jematan nya berengkah dalam bulan Januari 2015.
JKR melabaka setipikit nya deka dikeluarka sebedau kemisi Hari Raya Aidilfitri, tauka kena Jun 15.
Penerang berita nya dikeluarka kena nimbal mensia mayuh pasal jematan nya, ke alai sekwda sida ngumbai jematan nya udah tau ditengah berengkah ari kemari berindik ari jaku ti dipansutka MP Rubiah Wang ti madahka jematan nya deka dibuka ngagai mensia mayuh kena Mei 28.
Nerebak enggau nya, penguna jalai alun tau nengah jalai Asajaya tauka ‘UiTM-Asajaya’ sereta meraka Batang Samarahan di Kota Samarahan ngena feri. — DayakDaily
