Pengereja pengawa perintah deka diberi bonus — PM

Cash. — DayakDaily.com file pic.// Photo: Pixabay

KUALA LUMPUR, Mei 29: Perintah deka meri bonus ngagai 1.6 juta pengereja pengawa perintah beserimbai enggau Hari Raya Aidilfitri enda lama agi, pia ku Menteri Besai Tun Dr Mahathir Mohamad.

“Kami deka meri bonus, berapa penyampau betemu temu,” ku iya madah pengudah nyadi chairman aum Kaunsil Ketuai Tetinggi Parti Pribumi Bersatu Malaysia (PPBM) ba indu opis parti nya di Menara Yayasan Selangor, Petaling Jaya ditu kemari.

Sama bisi ngulu aum pengelama urung 3 jam nya Presiden PPBM ke mega Menteri Dalam Negeri Tan Sri Muhyiddin Yassin, Sapit Presiden PPBM ti mega Menteri Besar Kedah Datuk Seri Mukhriz Mahathir enggau Ketuai Nembiak PPBM Syed Saddiq Syed Abdul Rahman.

Dr Mahathir ke mega Chairman PPBM sereta Kaban Parlimen Langkawi madahka pengerami Aidilfitri parti nya deka diatur di Perak, lalu palan deka ditetapka ila.

Dalam Bajet 2018, Perintah Barisan Nasional madahka bantu khas RM1,500 deka diberi ngagai 1.6 juta pengereja pengawa perintah.

Sepenyampau RM1,000 udah dibayar dalam bulan Januari suba laluh laluh nya dipelabaka dibayar sebedau Aidilfitri. — DayakDaily