Gawai Bazaar 3.0 Kapit platform bansa Dayak nambahka penatai pemisi

Datuk Alexander Nanta Linggi

KAPIT, Mei 29: Gawai Bazaar 3.0 taun tu ngelui ari dikena merindang dikena ngerami Hari Gawai ungkup bansa Dayak.

Ku MP Kapit Datuk Alexander Nanta Linggi, batang tuju bazaar diatur ngambika nyadi pelasar ngagai orang dagang bansa Dayak ngangkatka penatai pemisi sida.

“Diatu kitai ulih meda Gawai bazaar ukai semina bisi dipejalaika di Kapit aja, tang di serata negeri. Platform tu muka peluang ngagai orang dagang Dayak ngulih mayuh agi belanja maya pengerami tu,” ku iya lebuh bejaku nutup Gawai bazaar ke diatur pengelama tiga minggu ba padang bilun lama kena lemai Hari Minggu nyin tadi.

Berebak enggau nya, Nanta muji D.O Kapit Elvis Didit, ke mega chairman komiti pengatu, ke pemujur udah ngatur bazaar nya, ti udah ngerapitka kaul enggau opis perintah, ejensi enggau Gerempung Ukai Dikuasa Perintah (NGO).

Gawai bazaar asil ari buah runding Gagasan Anak Dayak Sarawak (GADS) di Miri, ke dipun dalam taun 2015.

Ungkup Bagi Menua Kapit, Dayak bazaar dipunka dalam taun 2016. — DayakDaily