KUALA LUMPUR, Mei 19: Pekebun mit getah tau nuntut Insentif Pengeluar Getah (IPG) bepelasarka pemansut kena April 2018, berengkah 2 nyentuk 31 Mei, ku Lembaga Getah Malaysia (LGM).
“Tuntut IPG tau digaga ba opis boleh Lembaga Getah Malaysia di semenanjung, ba Opis Betanam Betupi Sarawak enggau ba Lembaga Industri Getah Sabah nengah chara mantaika resit rasmi nyual enggau Permit Autoriti Transaksi Pekebun Mit Getah,” ku LGM ba sebengkah penerang sehari tu.
LGM madah rega puku rata renggat ladang ungkup getah kelapis ba bulan April iya nya RM1.95 per kilogram (kg) di semenanjung, Sabah (RM1.60 per kg) enggau Sarawak (RM1.70 per kg).
Bayar cuplump ungkup IPG TERAKTIF dalam bulan April 2018 iya nya 25 sen per kg (semenanjung), Sabah (60 sen per kg) enggau Sarawak (50 sen per kg), ku ejensi nya. — DayakDaily
