KUCHING, Mei 30: “Ooohhhhh haaaa. Selamat Hari Gawai Dayak Gayu Guru, Lantang Senang Nguan Menua” leka sampi ke ukai nyelai ba bansa Dayak di Bumi Kenyalang tu nyerumba Jun 1.
Haribulan nya ngelaika berengkah pengerami Hari Gawai, pengerami ke pemadu besai diintu raban bansa majoriti di negeri Sarawak, iya nya komuniti Dayak baka Iban, Bidayuh enggau Orang Ulu (nyengkaum Kayan, Kenyah, Kelabit, Murut enggau Lun Bawang).
Ke bendar reti Hari Gawai iya nya Pengerami Dayak tauka dikelala agi Hari Gawai Dayak ti diintu pupu bansa enda ngira bansa engga jalai pengarap di Bumi Kenyalang tu.
Pengerami Gawai Dayak nyadi sebengkah pengerami ti ngangkatka pemaik etnik, daya pengidup sereta pengelikun; nyadi ejen nyerakup tetiap serap pupu bansa kelebih agi nengajjkonsep nyambut pengabang.
Ngenang sentang tusun jerita enggau pemansang,Pemansik Kanan Yayasan Tun Jugah Janang Ensiring madahka pengerami Gawai Dayak udah disepetuju dirami sekeda pupu minoriti di Sarawak kenyau ari tengah taun 1950-an. — DayakDaily
