‘Gempuru ke deka diatur enda ulih nyaup mutarka isu tanah NCR’

Deputy Chief Minister Datuk Amar Douglas Uggah Embas

KUCHING, Nov 2: Gempuru ke deka diatue pwngempu Tanah Adat Bansa Asal (NCR) enda ulih manti mutarka penanggul nya enggau manah, pia ku Sapit Kepala Menteri Sarawak Datuk Amar Douglas Uggah Embas.

Nitihka ripot potal berita DayakDaily kena Hari Dua tu tadi, gempuru ke dka diatur nya bekaul enggau isu Pemakai Menua Pulau Galau di Bangunan Kort Federal di Putrajaya kena 7 November tu.

Siti agi deka diatur di luar Kompleks Kunsil Negeri kena 13 November tu ila, maya Aum DUN.

Ku Uggah dalam menua ti ngemeranka sistem demokrasi sesapa aja bisi hak mantaika penemu diri tang iya minta raban nya patut meretika perintah negeri diatu benung ngiga chara dikena mutar penanggul nya.

“Penanggul nya ulih diputar nengah randau tj beguna timpuh laban kami beratika penanggul tu ari semua sukut.


“Kitai enda ulih berumban mutarka penanggul tu,” pia ku Uggah nitihka ripot nya.

“Kepala Menteri nemu kitai patut ngiga chara mutarka penanggul nya lalu iya udah ngasuh aku ngereja nya. Kami bebendar ngiga chara mutarka nya,” ku iya.

Ku Uggah, definisi Pemakai Menua dan Pulau Galau meseti diterima semua serak raban bansa nyengkaum bansa Dayak.

Iya mega ngelaluka sesapa aja ke deka ngulurka penemu lalu sida enggau runding ke tebuka nerima sebarang langgur penemu nya. — DayakDaily