Cobbold: Bajet 2018 nadai meri pemaik ngagai bansa Dayak

Cobbold John

KUCHING, Nov 2: Presiden Parti Bansa Dayak Sarawak Baru (PBDSB) Cobbold John Lusoi madahka diri enda puas ati enggau ungkup Bajet 2018 sereta madahka nya nadai meri pemaik ngagai bansa Dayak di Sarawak.

Ku iya lebuh ke ngenang pasal Bajet 2018 ti dipejuraika Menteri Datuk Seri Najib Tun Razak bedau lama udah.

Cobbold madah, taja pan agih belanja nya mayuh diberi ngagai walaupun Sabah enggau Sarawak tang enda relevan sereta nadai meri pwmaik ngagai bansa Dayak di Sarawak.

Ku iya, nya semina diberi ngagai bansa Melayu, China, India, Orang Asli Semenanjung enggau Bumiputera di Sabah enggau Sarawak tang nadai disebut sekali nama bansa Dayak.

“Nama nadai disebut sekali bansa Dayak ti mega Bumiputera ukai Islam?


“Taja pan 70 peratus rakyat di Malaysia dikelala nyadi Bumiputera tang nya semina diberi ngagai Bumiputera Semenanjung Malaysia, Sabah enggau Sarawak. Ke bendar nya patut disarap baru lalu diagihka ngagai Bumiputera Islam enggau ukai Islam.” ku iya.

Iya mega bisi madahka diri enda setuju enggau Menteri Besai laban enda ngungkupka belanja ngagai raban Kristian di Sarawak laban iya bisi meri pusat tahfiz tang nadai ke gerija. — DayakDaily