Sarawak deka ngaga palan lumba enggau main betikas dunya

Datuk Patinggi Tan Sri Abang Johari Tun Openg

KUCHING, Nov 2: Beberapa buah palan lumba enggau main baru betikas dunya deka digaga di negeri tu enda lama agi.

Kepala Menteri Sarawak, Datuk Patinggi Abang Johari Tun Openg madah, palan ke diperambu endur ngaga nya ba Kompleks Lumba enggau Main Negeri lalu perintah udah ngelala palan nya ke tuju belatih enggau bepekit ari baruh Langgur Pemansang Malaysia Lumpar Kesebelas (RMK11).

“Kami udah ngelala bansa main enggau perengka guna ti deka disediaka lalu tanah puang ke agi bisi ba kandang kompleks nya deka endur ngaga kompleks ke disikap chukup enggau perengka guna.

“Perintah Negeri nganti Menteri Dagang Temuai, Art, Adat enggau Main Asal, Nembiak Lumba enggau Main (Datuk Abdul Karim Rahman Hamzah) bejuraika keretas perambu,” ku iya lebuh ke bejaku ba Pengerami Nyuaka Insentif ngagai pemenang Sukan Sea enggau Sukan Para Asean Kuala Lumpur kemari, ti dipancharka terus nengah tayang video.

Ku iya, enti perengka guna nya udah tembu ila, Sarawak ulih nyadi tuai rumah pengatur lumba enggau main renggat entarabansa. — DayakDaily