KUALA LUMPUR, Jun 28: Perintah Pakatan Harapan (PH) meseti ngaga mayuh agi polisi sosioekonomi ti bepelasarka penatai pemisi sereta bisi kaul enggau pengawa ngisi batang guna enggau hak mensia semua rayat menua tu.
Chairman Institut Strategi dan Kepimpinan Asia (ASLI) Tan Sri Ramon Navaratnam ba penerang kemari madah, beratika pengamat gaya ke diatu, bida ekonomi tauka seraka sosioekonomi ke nyadi bepun ari bida penatai pemisi, ukai ketegal bida bansa.
Ku iya, perintah ba maya Malaysia Baru tu tau nengkebang sereta mantaika Polisi Ekonomi Malaysia Baru (NMEP) dikena mantu ke pemisi penyerakup bansa ke tulin agi sereta tegap ungkup timpuh panjai.
“Atur afirmatif baru nya meseti dipejalai ungkup semua rayat Malaysia ti begunaka bantu bepelasarka batang guna, ukai bansa.
“Tebal agi orang Melayu /Bumiputera deka terus bulih pemaik ari polisi atur afirmatif bepelasarka guna nya, lalu raban orang seranta ukai Melayu mega deka bulih pemaik ari NMEP nya” ku iya. — DayakDaily
