KUALA LUMPUR, Mei 21: Editor Sarawak Report ke sebedau tu enda dikemendar tama ke Malaysia, diatu udah bisi di menua tu.
Pemujur Pakatan Harapan menang ba PRU14 ngujungka iya diatu enda agi dianggap nyadi munsuh laban mantu nyelamatka menua nengah ripot ti eksklusif, berani sereta nengenyitka nyengkaum salah nguna kuasa ketuai Barisan Nasional (BN).
Perintah BN sebedau tu mega nagang utai ti dibantai portal nya taja pan agi ulih diakses nengah sekeda chara.
Clare Rewcastle Brown mega nengenyitka menua lebuh iya mantaika pekara rasia sentang 1MDB enggau rintai reta tanah ke dikembuan ketuai negeri.
Perintah Pakatan Harapan betuaika Tun Dr Mahathir Mohamad narik pulai waran tangkap ti dikeluarka perintah BN sebedau tu. — DayakDaily
